Rhag Is-ganghellor (Dyfodol y Campws)

Sut mae Gwneud Cais

Dyma obeithio bod yr wybodaeth ar y wefan hon wedi bod yn ddefnyddiol i chi. Os oes gennych unrhyw ymholiadau neu os hoffech drafod y rôl ymhellach, cysylltwch â Gillian Blackadder, Katharine Price neu Donogh O’Brien yn Aspen People ar 0141 212 7555.

I wneud cais, lanlwythwch eich CV a’ch Llythyr Eglurhaol yn un ddogfen gyfunol drwy glicio yma. Os yw eich Llythyr Eglurhaol ar wahân i’ch CV, anfonwch ef ar wahân i applications@aspenpeople.co.uk

Bydd ymgeiswyr yn cael eu rhoi ar restr fer ar gyfer cyfweliad drwy gyfateb y manylion a roddir mewn CV a llythyr eglurhaol â’r disgrifiad swydd a manyleb yr unigolyn. Rydym felly yn gofyn i ymgeiswyr roi tystiolaeth glir i ddangos sut mae eich profiad, eich sgiliau a’ch gwybodaeth yn cyfateb i’r gofynion hynny.

Byddem hefyd yn ddiolchgar pe gallai eich datganiad ategol gynnwys manylion dau ganolwr (sylwer na fyddwn yn cysylltu â chanolwyr tan gam cynnig y swydd neu heb ofyn am ganiatâd ymlaen llaw).

Sylwch y bydd eich cais yn cael ei gydnabod gennym ar unwaith ar ôl i chi ei gyflwyno. Os na chewch y gydnabyddiaeth hon, cysylltwch â Gillian Blackadder ar 0141 212 7555.

Y broses ymgeisio

• Dyddiad cau: Dydd Llun 25 Mai 2026
• Cyfweliadau cam cyntaf (ar-lein): Dydd Llun 08 a Dydd Mawrth 09 Mehefin
• Cyfweliadau terfynol (wyneb yn wyneb ym Mhrifysgol Caerdydd): Dydd Gwener 26 Mehefin

Monitro Cydraddoldeb

Mae Prifysgol Caerdydd wedi ymrwymo i sicrhau bod pob ymgeisydd yn cael ei drin yn deg, heb ystyried oedran, anabledd, ailbennu rhywedd, statws priodasol a phartneriaeth sifil, beichiogrwydd a mamolaeth, hil, crefydd neu gred, rhywedd neu gyfeiriadedd rhywiol.

Bydd y manylion personol a’r wybodaeth monitro cydraddoldeb rydych chi’n eu darparu yn cael eu hechdynnu a’u cadw’n gyfrinachol at ddibenion monitro. Ni fyddant ar gael i’r panel dethol ac nid ydynt yn rhan o’r broses ddethol.

A fyddech cystal â’n helpu drwy ddarparu’r wybodaeth monitro cydraddoldeb a chymorth y gofynnir amdani isod. Fodd bynnag, os nad ydych yn dymuno rhoi’r wybodaeth hon, gallwch nodi y byddai’n well gennych beidio â dweud ac ni fydd hyn yn effeithio ar eich cais. E-bostiwch eich ffurflen monitro cyfle cyfartal wedi’i chwblhau i gblackadder@aspenpeople.co.uk.